Punongkahoy

Alam niyo ba yung palabas na First Time sa GMA-7 , yung palabas na hayskulserye. Tungkol sa mga binatilyo at daligita na nagliligawan at naghaharutan. Hindi talaga ako partikular dun . In short, hindi ko siya trip, gusto ko lang siya isali dito sa post ko. Haha.

First time.. Perst taym… Maraming perst taym na nangyari sakin sa perst day of school.

Perst taym ko na tumira sa ibang bahay.

Perst taym ko na mag-aral na walang nangungulit sakin makyukyut na bata.

Perst taym kong may gumising sakin para pumasok.

Pero eto ang matindi . Umpisahan natin paglabas ng room namin sa skul.

Odi lumabas na kami ng room. Lunch break na !! Yehey ! Gutom na gutom na ko . Nagkayayaan kami sa labas ng school nalang kumain. Odi sige . Lakad kami ng malayo. At AYUN ! Nakarating na kami sa canteen. Order na ! Nakita ko dun sa mga nakalagay sa estante, “SIZZLING SISIG..”. Grrrrr . Ang sarap pakinggan . “ATE !! ISANG AMAZING SIZZLING SISIG NGA PO. YUNG MATINDI AHH !!”. Nagkamali pa pala ako ng pinilahan. Ang mga ordinary dishes ehh sa left counter, tas ung mga sizzling sa special counter. Hehe. Special na special ang trato nila sakin. “Java rice o Plain, Sir?” . “Plain nalang.”. “Double plain, Sir?”. “Oo. Sige. Dalawahin mo na ung kanin.”.  At yun. Kainan na. Pumuputok-putok pa ung sisig sa sobrang init na nilagyan ng itlog sa itaas na naluto sa sobrang init ng sisig. WOW ! sarap talaga ! Tapos nilagyan ko na ng kalamansi at sili . Hayan na . Subo . Subo . Subo . Wala pang 2 minuto . Naubos ko na. Solb . Busog. Sarap mag-hibernate. Eto na pabalik na ng eskwela. Buruggooodoooong ! Krrrrrrkkk ! Weeeew. May nagrarally. May nagwawala. May gustong sumabog. May gustong lumabas !!! Nagsimulang kumulo ang tiyan ko. Nagsimula ang PERST TAYM na nagpahirap sa akin sa loob ng eskwelahan. Hindi na ako makawala sa kulungan ng aming silid. Nagsasalita ang guro ko, pero dumadaan lang to sa tenga ko patungo sa tiyan kong kumukulo patungong sa kabila kong tenga. Bawat segundo. Tiktak-tiktak. Napakabigat na parusa. “Ok class dismissed”. Parang tunog ng chorale na dumaloy sa aking pandinig. At sa sandaling ako’y nasa labas na ng aking silid-paaralan. Nagtalo ang aking isip at damdamin. Sino nga ba ang susundin. Ang isip, na ang sabi wag ka dito sa eskwelahan dahil wala ka ng mukhang maihaharap sa iyong mga kamag-aral pag dito mo inilabas yan? O? Yung damdamin mo (commonly tiyan), na kanina pa nagtitiis na ilabas ang tinatago tago nitong mahalagang  bagay na dapat ng ilagay kung saan siya nararapat ? Napakahirap na desisyon. Pero sinunod ko ang UTAK ko. Weew. Lakad ng malayo.. Hawak sa tiyan.. Akyat sa LRT.. Hawak sa tiyan.. Sakay ng LRT.. Hawak sa tiyan.. Baba ng LRT.. Hawak sa tiyan.. Sakay ng Jeep.. Hawak sa pwet, ay este sa tiyan.. Sakay ng pedicab.. Hawak sa tiyan.. Tumatakbo !! Kumakaripas !! Binuksan ang pinto !! Pinagpapawisan !! Binuksan ang ilaw !! Umupo !! ………………

At FLUSH ..